Bólusetningar

Bólusetningar ferðamanna

Ferðamannaheilsuvernd er flókin og síbreytileg. Ráðgjöfin byggist sumpart á ferðinni, sem fara á (hvert farið er, hvert ástandið er þar, hve lengi dvalið er og hvers konar ferð) og sumpart á ferðamanninum sjálfum (t.d. fyrri bólusetningar, sjúkdómar eða ofnæmi). Upplýsingar um ferðamannabólusetningar gefa hjúkrunarfræðingar og læknar stöðvarinnar.

Best er að bóka a.m.k. einum mánuði fyrir brottför. Hafið með handbær skírteini um fyrri bólusetningar vegna ferðalaga. Tímapantanir eru í síma 590 3900.

Athugið að bólusetningar þurfa tíma til að virka. Reikna þarf með að 2-3 vikur sé lágmarkstími til að ná æskilegri verkun. Leitið því upplýsinga tímanlega. Hafið með ykkur skírteini um fyrri bólusetningar vegna ferðalaga.

Inflúensubólusetningar/lungnabólgubólusetningar

Mælst er til að bólusetning gegn inflúensu sé á haustin. Sérstaklega er mælst til að eftirtaldir láti bólusetja sig:

Allir eldri en 60 ára
Börn (eldri en 6 mánaða) og fullorðnir
- með undirliggjandi hjarta- og lungnasjúkdóma (þ.á.m. astma)
- sem eru ónæmisbældir
- með langvinna efnaskiptasjúkdóma (þ.á.m. sykursýki)
- börn og unglingar sem taka Aspirin að staðaldri (vegna hættu á Reye heilkenni).
Einstaklingar sem sýkt geta aðra sem eru í hættu að fá alvarlega inflúensusýkingu, þ.e.
- heilbrigðisstarfsmenn sem annast sjúklinga
- starfsfólk á elli- og hjúkrunarheimilum
- heimilsfólk þar sem áhættuhópar dvelja.

Bólusetningar gegn pneumókokkasýkingum, lungnabólgu, á 10 ára fresti til handa öllum þeim sem eru eldri en 60 ára og á 5 ára fresti fyrir einstaklinga sem eru í sérstökum áhættuhópum.

Mörg fyrirtæki og stofnanir í landinu bjóða starfsmönnum sínum bólusetningu gegn inflúensu, hægt er að panta bólusetningar fyrir fyrirtæki hjá hjúkrunarfræðingum stöðvarinnar.