Samvinna lækna og hjúkrunarfræðinga er líklega það sem fólk verður helst vart við, t.d. í  meðgönguvernd, ungbarnavernd og við móttöku einstaklinga með bráð vandamál. Einnig á sér stað samvinna lækna við læknaritara, móttökuritara og starfsfólk rannsóknastofunnar.

Hægt er að hringja og bóka símatíma hjá lækni samdægurs þá daga sem læknir er með símatíma. Læknirinn hringir þá í viðkomandi á ákveðnum símatíma síðar um daginn. Símatímar eru hentug fyrir fyrirspurnir og stutt erindi sem ekki þarfnast skoðunnar.  ATH ekki er hægt að óska eftir sýklalyfjum eða sterkum verkjalyfjum í símatíma.

Lyfjaendurnýjanir lækna gegnum síma fara þannig fram að viðkomandi hefur símasamband við móttökuna milli kl 10 og 12 virka daga og óskar eftir endurnýjun lyfseðlis/lyfseðla. Á þann hátt er þó einungis hægt að endurnýja lyf sem áður hafa verið ávísuð einstaklingnum á stöðinni. Fjölnota lyfseðla er yfirleitt einungis hægt að endurnýja með heimsókn á stöðina.  ATH einnig er hægt að endurnýja lyf í gegnum lyfjaendurnýjun á heilsuveru.

Miðað er við 15 mínútur og 1 – 2 erindi.  Mörg erindi rúmast ekki vel í 15 mínútna viðtalstíma og þarf því að bóka fleiri tíma ef erindi eru mörg.  Viðtalstímar lækna eru bókaðir í gegnum móttökuna okkar en hjúkrunarfræðingar geta einnig bókað í þessa tíma í ákveðnum tilvikum.

Læknar og hjúkrunarfræðingar standa vaktina alla virka daga og vinna í teymi við að leysa bráð vandamál sem ekki geta beðið.  Læknar og hjúkrunarfræðingar bóka á þessar vaktir oftast eftir símtal.  Hér er miðað við aðeins eitt erindi fyrir hvern skjólstæðing.