Opnunartími frá 08 - 17


Vinsamlegast kynnið ykkur nýjustu fréttir vegna COVID-19 veirunnar – fréttirnar eru uppfærðar reglulega. Fara á vef Landlæknisembættisins
 

 
Ef þú ætlar að ferðast og þarft neikvætt PCR próf verður þú að skipuleggja sýnatöku með það í huga að vottorðið sé komið tímalega fyrir ferð. Sýnatöku og vottorð á pappír er greitt sérstaklega þar sem ekki er um að ræða sóttvarnaráðstöfun.
Á höfuðborgarsvæðinu: Þú skráir þig og greiðir rafrænt og vottorðin eru send rafrænt með tölvupósti. Vanti þig vottorð á pappír með stimpli þá skaltu hafa samband við heilsugæslustöð og greiða sérstaklega fyrir vottorðið þar.
 
 
Nánari upplýsingar:
 

 

Skráningarsíða:

https://travel.covid.is/is/

 
 
Electronic registration for PCR-tests available
 

It is now possible to register electronically for PCR test before travelling abroad where certificates of negative PCR tests for entering are a requirement. Please note that the electronic registration is only for the testing center in Reykjavík, in other areas you must contact your clinic.

You will be charged for the test since they are not a part of necessary epidemic control. Certificates are sent via email, but if a paper-certificate is required you must contact a clinic and will be charged extra.
 
 
 

Vinsamlegast athugið!  Ekki leita beint á heilsugæslu, hringið fyrst.

Til að draga úr smithættu er fólki, sem hefur ástæðu til þess að ætla að það hafi sýkst af kórónaveirunni, bent á að hringja á sína heilsugæslu á opnunartíma eða í vaktsímann 1700 til að fá leiðbeiningar. Vaktsíminn er opinn allan sólarhringinn.

Helstu einkenni eru hiti, hósti, beinverkir og öndunarerfiðleikar. Fólk sem hefur einkenni sjúkdómsins á ekki að leita beint á heilsugæslu eða bráðamóttöku, heldur hringja fyrst til að  fá ráðleggingar.

 

Góður handþvottur/hreinsun er mikilvægasta ráðið fyrir heilbrigða til að forðast smit.

Handþvottur með vatni og sápur er æskilegastur ef hendur eru sjáanlega óhreinar, en hendur sem virðast hreinar en hafa komið við sameiginlega snertifleti s.s. hurðarhúna, posa eða greiðslukort og innkaupagrindur má hreinsa með handspritti.

 

Nýjustu upplýsingar um kórónaveiruna er að finna á heimasíðu Embættis landlæknis en þær eru uppfærðar reglulega.

06.06.19

Almenn bólusetning við hlaupabólu er hafin. Öll börn hér á landi sem fædd eru 1. janúar 2019 eða síðar fá tvo skammta á öðru æviári (við 12 og 18 mánaða skoðanir) endurgjaldslaust.

Hlaupabóla er mjög algengur barnasjúkdómur hér á landi en rannsókn sem birt var 2009 sýndi að nær öll íslensk börn hafa fengið hlaupabólu fyrir 10 ára aldur og um helmingur fyrir 4ra ára aldur. Sýkillinn sem veldur hlaupabólu er veira sem er skyld öðrum algengum veirum í mönnum, s.s. frunsuveiru og einkirningasótt. Flest börn verða ekki alvarlega veik með hlaupabólu en yfirleitt vara veikindin í u.þ.b. viku með tilheyrandi vinnutapi foreldra og einnig er nokkuð algengt að sárin eftir hlaupabóluna sýkist með tilheyrandi læknisheimsóknum og lyfjakostnaði fyrir foreldra. Sum börn fá veiruna í heila, lifur eða lungu og geta veikindin orðið mun alvarlegri við slíkar sýkingar. Dauðsföll eru sjaldgæf meðal áður hraustra barna en koma fyrir. Veiran situr áfram í líkamanum eftir að veikindin ganga yfir og getur brotist fram síðar á formi ristils, útbrota sem geta valdið miklum sársauka, stundum vikum saman, og ef ristill kemur fram við auga getur hann valdið blindu. Ristill getur komið fram endurtekið hjá sama einstaklingi. Bólusetning við hlaupabólu dregur verulega úr hættu á hlaupabólu og þar með einnig úr líkum þess að bólusettur einstaklingur fái ristil í framtíðinni.

Bóluefni við hlaupabólu hafa verið notuð í Bandaríkjunum og víðar í um 30 ár með ágætum árangri og var almenn bólusetning tekin upp í Finnlandi nýlega. Bóluefni við hlaupabólu hefur verið á markaði hér í rúm 20 ár en var lítið notað framan af. Undanfarin ár hafa foreldrar í vaxandi mæli keypt þessa bólusetningu fyrir börn sín og er nú svo komið að rúmlega 10% barna á leikskólaaldri hafa klárað bólusetningu við hlaupabólu. Það er of lágt hlutfall til að draga úr hinum reglulegu faröldrum sem við sjáum hérlendis, en með almennri bólusetningu er von til að dragi verulega úr faröldrum og mögulegt að þeir hverfi með tímanum ef þátttaka er góð.

Nokkur bóluefni við hlaupabólu eru skráð í Evrópu en þau innihalda öll lifandi veiklaða veiru, svipað og MMR bóluefnið sem ver gegn mislingum, hettusótt og rauðum hundum. Þau má því ekki nota fyrir einstaklinga með alvarlegan ónæmisbrest, hvort sem er meðfæddur eða áunninn, t.d. vegna ónæmisbælandi meðferðar eftir líffæragjöf.

Bólusetning er fullgild eftir tvo skammta með a.m.k. 4 vikna millibili.

Sóttvarnalæknir

Efni tekið af heimasíðu embætti landlæknis

Heilsuvera.is er öruggt vefsvæði þar sem notandi getur átt í samskiptum við heilbrigðisþjónustuna og nálgast eigin sjúkragögn. Vefsvæðið er hægt að nota í heimilistölvum, spjaldtölvum og snjallsímum.

Meira ...

 

Hvar erum við?

Heilsugæslan Salahverfi
Salavegi 2 - 201 Kópavogi
Sími
590 3900
Almennur opnunartími frá 08 - 17